جاده‌ی ابریشم: شماری از زنان زیر نام «جنبش خودجوش زنان معترض افغانستان» امروز (دوشنبه، ۲۵ میزان)، در برابر نسل‌کشی تاجیک‌ها و هزاره‌ها در فضایی سربسته اعتراض کردند.
این معترضان با نشر ویدیویی، شعارهای «نسل‌کشی تاجیک‌ها را متوقف کنید» و «نسل‌کشی هزاره‌ها را متوقف کنید» را سر دادند.
آن‌ها هم‌چنان خواستار توقف کوچ اجباری، تاجیک‌ها، هزاره‌ها و اوزبیک‌ها شدند.
معترضان، می‌گویند که در زیر حاکمیت طالبان، اقوام غیرپشتون از سوی قومی خاص، مورد نسل‌کشی قرار می‌گیرند.
به گفته‌ی معترضان، خاموشی جامعه‌ی بین‌المللی، جفایی در حق شهروندان افغانستان است.
از چهار روز به این سو، در اعتراض به نسل‌کشی تاجیک‌ها، کارزاری در تویتر نیز راه‌اندازی شده است.
این اعتراض‌در حالی صورت می‌گیرد که در روزهای پسین، کشتار مردم پنجشیر و نظامیان پیشین، توسط طالبان شدت یافته است.
نظر بدهید